Հայաստանի Բարձրագույն խմբի առաջնության հինգերորդ տուրի խաղային երկրորդ օրը «Փյունիկ»-ը հյուրընկալվել էր «Գանձասար-Կապան»-ին, «Ուլիս»-ը հանդիպել էր «Միկա»-ի հետ:
Կապանում կայացած խաղում տանտերերը ողջ խաղի ընթացքում ունեցել են առավելություն մրցակցի նկատմամբ: «Գանձասար»-ի ֆուտբոլիստների հարվածներից հետո հիանալի է խաղացել հյուրերի դարպասապահ Անատոլի Այվազովը: Բայց խաղային առավելությունը թվայինի ձևափոխել չի հաջողվել: Ավելին՝ Հայաստանի գործող չեմպիոնը 56-րդ րոպեին Ալիկ Առաքելյանի ջանքերով բացել է հանդիպման հաշիվը: Թվում էր, որ Սարգիս Հովսեփյանի թիմը երեք միավորով կվերադառնա Երևան, բայց կապանցիները դրսևորեցին կամային բարձր հատկանիշներ ու խաղի ավելացված չորրորդ րոպեին կարողացան հավասարեցնել հաշիվն ու մեկ միավոր փրկել:11 մետրանոցից աչքի է ընկել Ացամազ Բուրաևը
«Միկա» ստադիոնում, որտեղ «Ուլիս»-ը «հյուրընկալել» էր «Միկա»-ին, հավասար խաղ է ընթացել: Հանդիպման հաշիվն առաջին խաղակեսում բացել կողմերին չի հաջողվել, իսկ երկրորդում «Միկա»-ի ֆուտբոլիստները կարողացել են կազմակերպված գրոհ անցկացնել ու երկու անգամ գրավել Տիգրան Կանդիկյանի դարպասը: Գոլերի հեղինակ են դարձել Անտոն Կոզլովը և Օլեգ Ինկինը:
Հինգերորդ տուրից հետո «Ալաշկերտ»-ը 11 միավորով առաջինն է, «Շիրակ»-ը ունեն տասը միավորով երկրորդը: Նրանց հաջորդում են «Գանձասար-Կապան»-ը և «Փյունիկ»-ը՝ ութական միավորով, «Արարատ»-ը ունի յոթ միավոր, «Բանանց»-ը՝ 6 , «Միկա»-ն՝ 4, «Ուլիս»-ը՝ 0 միավոր:
