Մադրիդի «Ռեալ»-ը պատրաստվում է իսպանացի դարպասապահ Դավիդ դե Խեայի շնորհանդեսին, որն, ամենայն հավանականությամբ, տեղի կունենա սեպտեմբերի 1-ին:
The Independent-ի տեղեկություններով, «Ռեալ»-ը «Մանչեսթեր Յունայթեդ»-ի հետ համաձայնության է եկել դարպասապահի տեղափոխության հարցով: 24-ամյա Դե Խեայի տրանսֆերի արժեքը կկազմի 29 մլն ֆունտ:
Հիշեցնենք, որ «Յունայթեդ»-ը ցանկանում էր Դե Խեայի տրանսֆերը ներառել Սերխիո Ռամոսի կամ Գերթ Բեյլի տրանսֆերային գործարքում, բայց մադրիդյան ակումբը հրաժարվեց բաց թողնել իր առանցքային ֆուտբոլիստներին:
Եթե «Յունայթեդ»-ն, այնուամենայնիվ, Դե Խեային բաց չթողնի, ապա նա 2016թ. ամռանը ակումբից կհեռանա անվճար` ազատ գործակալի կարգավիճակով: Դե Խեան մի քանի անգամ մերժել է «Յունայթեդ»-ի` նոր պայմանագիր ստորագրելու առաջարկը: