Հայաստանի ազգային հավաքականի կիսապաշտպան Կառլեն Մկրտչյանն «Անժի»-ի պաշտոնական կայքի հետ զրույցում անդրադարձել է Ռուսաստանի Պրեմիեր լիգայի 7-րդ տուրում կայացած «Սպարտակ»-ի հետ արտագնա խաղին:
Մոսկովյան ակումբը միակ գոլը խփել էր 11մ հարվածով, որը պայքարի կիզակետում իր թիմի դարպասին բերել է Մկրտչյանը: Կիսապաշտպանը նշել է, որ մրցավար Միխայել Վոլկովը սխալվել է, քանի որ ինքը վերոգրյալ դրվագում չի դիպել Կիրիլ Կոմբարովին:
«Առաջին հերթին ցանկանում եմ շնորհավորել մեր երկրպագուներին, որոնք մեզ սատարում էին ամբողջ սրտով: Շնորհավորում եմ թիմակիցներիս: Պայքարեցինք մինչև վերջ` չկորցնելով «Սպարտակ»-ի նկատմամբ հաղթանակի հավատը: «Սպարտակ»-ն ուժեղ թիմ է, բայց միշտ չէ, որ ուժեղ թիմերը հաղթում են:
Հաշվի մեջ առաջ էինք անցել ու չէինք ցանկանում ռիսկի դիմել այսքան կարևոր խաղում, և հանկարծ այդ 11 մետրանոցը… Մրցավարը սխալվել է: Վստահ կարող եմ ասել, որ չեմ դիպել Կիրիլ Կոմբարովին: Նա իր նախաձեռնությամբ ընկավ:
1:1 հաշվի ժամանակ աստիճանաբար սկսեցինք ավելացնել տեմպը, փնտրել մեր հնարավորությունները հարձակվելիս, և Աստված գնահատեց մեր ջանքերն ու վերակագնեց արդարությունը:
Այս 3 միավորը նախորդ որդյունքներից հետո օդի ու ջրի պես հարկարվոր է մեզ: Լավ թիմ ունենք: Կարող ենք և պետք է խաղանք ավելի լավ: Կդիտենք խաղի տեսագրությունը, կառանձնացնենք ու կվերլուծենք սխալները»,- հայտարարել է Մկրտչյանը:
