Բրիտանացի գիտնականներն ապացուցել են, որ բացարձակապես երևակայություն չունեցող մարդիկ իսկապես կան: Այս մասին հայտնում է mignews.com-ը:
Այս բացահայտումն արել է պրոֆեսոր Ադամ Զեմանը Էքսթերի համալսարանից, երբ իրեն ու իր գործընկերներին դիմել է մարդ, որը սրտի վիրահատությունից հետո կորցրել է երևակայելու ունակությունը:
Նեյրոֆիզիոլոգներն այդ դեպքը նկարագրել են մամուլում, որից հետո իրենց դիմել է մոտ 1 000 մարդ նման ախտանիշերով:
Գիտնականների հաշվարկով՝ Երկրի բնակչության մոտ 2․5%-ը չեն կարողանում մտովի պատկերացնել: Նրանք տառապում են ասպես կոչված աֆանտազիայով՝ մտքում մտերիմ մարդկանց, գրքերից տեսարաններ, նույնիսկ պարզ բաներ պատկերացնելու անկարողությամբ:
Գիտնականները նաև եզրակացրել են, որ երևակայության բացակայությունը կարող է բնածին լինել, սակայն այն հնարավոր է նաև ժամանակի ընթացքում կորցնել:
Նեյրոֆիզիոլոգները նաև նշում են, որ այդ խնդիրն ունեցողներից շատերը չեն հասկանում, որ զրկվել են կամ ընդհանրապես չեն ունեցել երևակայություն:
