«Սամ Ռատուլանգի» միջազգային օդանավակայանը կիրակի առավոտյան փակվել է Լոկոն հրաբխի ժայթքման պատճառով: «Անտարա» գործակալության հաղորդմամբ՝ այս մասին հայտարարել է Ինդոնեզիայի օդանավակայանների վերահսկողությամբ զբաղվող PT Angkasa Pura I ընկերության տեղի ներկայացուցիչ Իլհամ Սակտին:
«Մենք ստիպված ենք փակել օդանավակայանը, քանի որ Լոկոն լեռից շարունակվում են հրաբխային մոխրի արտանետումները»,- ասել է նա:
Ավելի վաղ հաղորդվում էր, որ հրաբուխն անցած գիշեր մթնոլորտ է արտանետել մեկուկես կմ բարձրությամբ հրաբխային մոխրի շիթ:
Սակտին չի կարողացել ասել, թե օդանավակայանը երբ կվերսկսի աշխատանքը: «Դա կախված է բնական պայմաններից»,- ասել է նա: