Հունգարիան ավարտել է փշալարերով ցանկապատի կառուցումը Սերբիայի սահմանում, որը պետք է խանգարի անօրինական ներգաղթյալների մուտքին Եվրամիության տարածք, հայտնում է RIA Novosti-ն:
Դրան կհետևի ավելի բարձր 4-մետրանոց ցանկապատի կառուցումը, որի շինարարությունն արդեն սկսվել է, նշում է գործակալությունը: Ավելի վաղ, Հունգարիայում արձանագրվել էր Սերբիայից մեկ օրում եկած ներգաղթյալների ռեկորդային քանակ` օգոստոսի 26-ին սահմանը հատել է 3241 փախստական:
Ներգաղթյալների մեծ հոսքի պատճառով իշխանությունները մի շարք միջոցառումներ են նախաձեռնել, ինչպես ոստիկանների թվի ավելացումը սահմաններում և ցանկապատի կառուցումը, որի երկարությունը պետք է լինի 175 կմ իսկ բարձրությունը շուրջ 3 մ:
