Օգոստոսի 29-ին Գերման Ստերլիգովի կինը` Ալյոնան, նորաձևության ցուցադրություն է արել: Այն տեղի է ունեցել կեսօրից հետո Շուշիում:
«Ցուցադրության գաղափարն իմն է, կտորերը, դիզայնը իմ մտահաղացումն են, կարել են տեղի դերձակները: Աննա Բաղդասարովան պատրաստել է գլխաշորերի հավաքածուն. դա նրա ձեռքի աշխատանքն է: Մետաքսե գլխաշորերը նա ինքն է զարդարել` ստեղծելով նկարը, ընտրել է կտորը և այլն»,- ասել է Ալյոնա Ստերլիգովան:
Քարերին փռված էին ձեռագործ գորգեր, որոնց վրայով անցել են ղարաբաղցի գեղեցիկ աղջիկները: Նրանց, իհարկե, ընտրել են, սակայն նրանք պրոֆեսիոնալ նորաձևություն ցուցադրողներ չեն եղել:
Ստերլիգովան ասել է, որ գործածվել են մետաքս, բամբակ և այլ կտորներ: Բացի նրանից, որ ցուցադրված իրերը կարելի էր գնել հենց տեղում, վաղվանից դրանք կհայտնվեն նաև Ստեփանակերտի «Պոդիում» խանութում` 50-125 հազար դրամ գնով: