Եվրախորհրդարանի նախագահ Մարտին Շուլցը հայտարարել է, որ Եվրամիության երկրներում փախստականների տեղաբաշխման շուրջ վեճը տեղի է ունենում «անարժան խաղի» և առանձին եվրոպական երկրների գործողությունների «ձախողման» պատճառով: Այս մասին հաղորդում է Deutsche Welle-ն:
«Խոսքը ոչ թե ամբողջ Եվրամիության քաղաքականության, այլ կառավարության որոշ գործողությունների ձախողման մասին է, որոնք խուսափում են պատասխանատվությունից` արգելափակելով համաեվրոպական որոշման «վերատարտադրությունը»,- ասել է Շուլցը: Նա այդ պետություններին կոչ է արել ավելի շատ ներգաղթյալներ ընդունել:
«ԵՄ որոշ անդամ երկրների կառավարություններ վերջապես պետք է դադարեցնեն իրենց արգելափակման ռազմավարությունը և այդ անարժան խաղը»,- ընդգծել է Շուլցը:
«Փախստականների շուրջ ներկայիս ճգնաժամը ցույց է տալիս, թե ինչ է տեղի ունենում, երբ եվրոպական անդամագրումը նվազում է: Միջերկրական ծովը վերածվում է եղբայրական գերեզմանի, սահմաններին սարսափելի տեսարաններ են, կողմերը մեղադրում են միմյանց, իսկ դրա ֆոնին հսկայական զրկանքներ կրած և մեզ մոտ պաշտպանություն փնտրող մարդիկ օգնություն չեն ստանում: Դա խայտառակություն է»,- հավելել է Եվրախորհրդարանի ղեկավարը: