Elle-ն ներկայացնում է հոլիվուդյան հայտնիների մեջ ընտանեկան կապերը, որոնց մասին քչերը գիտեն, երբեմն նույնիսկ հենց աստղերը տեղյակ չեն:
Նիկոլաս Քեյջ և Սոֆյա Կոպոլա
Նրանք զարմիկներ են: Երբ Նիկոլասը որոշեց դառնալ դերասան, նա առաջին հերթին փոխեց իր Կոպոլա ազգանունը Քեյջով: Նա չէր ցանկանում, որ իրեն մեղադրեն «ընտանեկան հովանավորչության» մեջ իր քեռու` ռեժիսոր Ֆրենսիս Կոպոլայի կողմից:
Խոակին Ֆենիքս և Բեն Աֆլեկ
Երկու դերասանական կլանները բարեկամացել են վերջերս. Բենի կրտսեր եղբայրը ամուսնացել է Խոակինի հարազատ քրոջ հետ:
Բրուք Շիլդս և Մերիլ Սթրիփ
Այս դերասանուհիները զարմուհիներ են:
Ֆարել Ուիլյամս և Timbaland
Այս երկու տաղանդավոր երաժշտական պրոդյուսերները զարմիկներ են: Համենայն դեպս այդպես է պնդում Timbaland-ը:
Գվինեթ Փելթրոու և Սթիվեն Սփիլբերգ
Սթիվեն Սփիլբերգը համարվում է Գվինեթ Փելթրոուի կնքահայրը: «Հայր» և «աղջիկ» մինչև այժմ էլ շատ լավ հարաբերություններ ունեն և երբեմն միասին են անցկացնում արձակուրդները:
Մադոննա և Գվեն Ստեֆանի
Լրագրողները և երկրպագուները պարբերաբար այս երկու աստղերին համեմատում են իրար հետ: Պարզվել է, որ դա պատահական չէ: «Մենք իրոք ազգականներ ենք. իմ տատիկի քրոջ ամուսնու մայրը Չիկոնեն է Դեթրոյթից»,- ասել է Գվենը:
Քեյթ Միդլթոն և Գայ Ռիչի
Քեյթ Միդլթոնի և Գայ Ռիչիի նախնիները, ովքեր ապրել են 18-րդ դարում, եղել են ամուսիններ:
Էլիզաբեթ Հերլի և Դևիդ Բեքհեմ
Բեքհեմ ամուսինները վաղուց են բարեկամություն անում դերասանուհի Էլիզաբեթ Հերլիի հետ: Այդ պատճառով նրանք դերասանուհուն ընտրել են որպես իրենց տղաների` Բրուքլինի և Ռոմեոյի կնքամայր:
Ջասթին Բիբեր և Ռայան Գոսլինգ
Պարզվել է, որ Ջասթին Բիբերը իրոք կանադացի աստղեր Ռայան Գոսլինգի, Ավրիլ Լավինի, Սելին Դիոնի բարեկամն է: Նրանք բոլորն ունեն ֆրանսիացի նախնիներ, ովքեր 17-րդ դարից բնակվել են Քվեբեկում և բարեկամացել: