Google ընկերությունն արտոնագիր է ստացել համակարգի համար, որը քարտեզի վրա կնշի ճանապարհների անհարթություններն ու փոսերը: Այս մասին հայտնում է hyser.com.ua-ն:
Նոր համակարգն օգտագործում է GPS-ը և ուղղահայաց աքսելերոմետրը ճանապարհներին մեծ փոսերի ավտոմատ գրանցման համար: Երբ մեքենան անցնում է հերթական ողողափոսով, շարժման տվիչները գրանցում են, թե որքան ուժեղ է ցնցվել ավտոմեքենան, ազդակները համադրում են մեքենայի աշխարհագրական դիրքի հետ և բոլոր տվյալները պահում են:
Հետագայում այդ տվյալները կներմուծվեն Google Maps-ում, և նավիգատորները կսկսեն վարորդներին նախօրոք զգուշացնել ճանապարհային ծածկույթի հետ կապված խնդիրների մասին, նաև հատուկ բազա կստեղծվի քաղաքային ծառայությունների համար, որը կնշի, թե որտեղ պետք է վերանորոգում անել:
