«Քննարկումը բավականին բովանդակային էր։ Մենք ներկայացրինք մեր բոլոր մտահոգությունները, շատ հարցերի վերաբերյալ բավականին համոզիչ բացատրություններ ստացանք»։ Այդ մասին Սերժ Սարգսյանի հետ սահմանադրական բարեփոխումների շուրջ խորհրդակցությունից հետո լրագրողների հետ զրույցում ասաց Վերակազմյալ սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը։
Նա նշեց, որ հանդիպումը հաջող է անցել.«Ժամանակին լուրջ քաղաքական հակառակորդներ ենք եղել, և հանդիպումը հեշտ չէր»,-ասաց նա։
Սերժ Սարգսյանի կողմից, Լյուդմիլա Սարգսյանի խոսքով, ամեն ինչ համոզիչ է ներկայացվել։
«Ամեն ինչ պետք է անենք, որ կարողանանք մեր քայլերով մեր ընդդիմախոսությամբ ազդել իշխանության որոշումների վրա»,- հավելեց նա։
