LG ընկերությունը ներկայացրել է LG Rolly (KBB-700) ուլտրակոմպակտ անլար ստեղնաշարը, որը կարող է հեշտությամբ տեղավորվել փոքր պայուսակի կամ պորտֆելի մեջ: Ստեղնաշարը պտտվում է 4 շարք ստեղների երկայնքով՝ վերածվելով «փայտիկի»: hitech.vesti.ru-ին կորեական արտադրողի մամլո ծառայությունում հայտնել են, որ QWERTY-ստեղնաշարը Bluetooth 3.0-ով միանում է սմարթֆոնների և պլանշետների:
LG Rolly-ին կարելի է միաժամանակ մինչև 2 սարք միացնել: Չնայած փոքրությանը՝ LG Rolly-ի ստեղների չափը 17 մմ է, այսինքն՝ գրեթե նույնքան, որքան սեղանի ստեղնաշարերի մեծ մասի դեպքում (18 մմ):
Առաջին LG Rolly-ն ԱՄՆ-ում կթողարկվի: Այն հնարավոր կլինի գնել սեպտեմբերին: IV եռամսյակում նորույթը կհայտնվի Եվրոպայի, Հարավային Ամերիկայի և Ասիայի «կենտրոնական շուկաներում»: Գինն առայժմ հայտնի չէ: