Ռուսաստանի միջազգային օդանավերի ու տիեզերանավերի ցուցահանդեսում ներկայացված էր ռազմական ու քաղաքացիական տեխնիկայի ազդեցիկ նմուշանի: Սակայն այս տարի ուշադրության կենտրոնում հայտնվել է արդյունաբերության ռազմական ոլորտը և այս ռազմաօդային հանդեսը օգտագործվեց ցուցադրելու երկրի ռազմական հզորությունը:
«Մենք պետք է հզորացնենք Ռուսաստանի յուրահատուկ առավելությունները օդուժի ոլորտում և համապարփակ դարձնենք մեր առաջատար դերը ռազմական ավիացիայի պարագաների արտադրության մեջ: Ուստի մենք պետք իրականացնենք մեր օդուժի ու տիեզերական արտադրության նորարարացումը ու կատարելագործումը», – «Ամերիկայի Ձայն»–ի փոխանցմամբ՝ ասում է Վլադիմիր Պուտինը:
Արևմտյան արտադրողները ևս ներկա էին ցուցահանդեսին: Ռուսաստանի պաշտպանական արդյունաբերությունը սահմանափակվել է Ուկրաինայի համար պատժամիջոցների և այդ երկրից մատակարարներին կորցնելու պատճառով:
«Ռուսաստանի մոտ 300 ձեռնարկություններ Ուկրաինայից բաղադրիչներ էին ստանում: Դուք պատկերացրեք ինչ մեծ էին կորուստները, երբ այս կապերը կորսվեցին», – ասում է ռազմական վերլուծաբան Ալեքսանդր Գոլցը:
Մինչ արդիական հակաօդային պաշտպանության Ս-300 համակարգերի վաճառքը Իրանին դեռևս հետաձգվում է, Մոսկվան փորձում է այլ գնորդներ և դաշնակիցներ ձեռքբերել Մերձավոր Արևելքում: