Ամերիկյան կինոակադեմիան հայտարարել է երեք մրցանակակիրների անուններ` համաշխարհային կինեմատոգրաֆիայում հատուկ ներդրումների և մարդասիրության համար, ովքեր մրցանակները կստանան նոյեմբերին` «Օսկարի» մրցանակաբաշխության արարողությանը: Այս մասին գրում է BBC-ն:
Ակնառու վաստակի համար ակադեմիայի պատվելի մրցանակը կստանա ամերիկացի 58-ամյա դերասանուհի Ջինա Ռոուլենդսը, որը հայտնի է հիմնականում «Գլորիա» և «Կինը` ազդեցության ներքո» ֆիլմերից, ինչպես նաև 58-ամյա ռեժիսոր Սփայք Լին:
Մարդասիրության գործում անհատական վաստակի համար Ջին Հերշոլթի մրցանակին կարժանանա 83-ամյա ամերիկացի դերասանուհի և երգչուհի Դեբի Ռեյնոլդսը: Ռեյնոլդսն իրեն հասարակական գործունեությանը նվիրեց` կողմ հանդես գալով հոգեկան հիվանդությունների մասին տեղեկացվածության բարձրացմանը: