ԱՄՆ-ը, որն այսօր արագ տեմպերով վերածվում է նավթի խորոշորագույն արտադրողի, զսպում է ՕՊԵԿ-ին՝ ի պատասխան գների շարունակական անկման՝ կրճատել արդյունահանումը։ Այս մասին Trend գործակալության հետ հարցազրույցում ասել է Lloyd’s List Intelligence լոնդոնյան առաջատար խորհրդատվական ընկերության վերլուծական բաժնի ղեկավար Նեյլ Աթկինսոնը։
Նրա խոսքով՝ այսօր համաշխարհային շուկաներում նավթի գները շատ ցածր են, և ներկա պահին կարելի է միայն սպասել հետագա անկում։
Վերջին 5 տարում նավթի համաշխարհային պահանջարկն աճել է օրական 7 մլն բարելով, սակայն աճել է նաև նավթի արտադրությունը։ Եվ աճի ամենամեծ մասնաբաժինն ընկնում է ԱՄՆ-ին, որտեղ արդյունահանումը 6 տարում աճել է օրական 5-9.6 մլն բարելով։ Կարտելի մեջ չմտնող երկրների ընդհանուր նավթարդյունահանումն ավելացել է 7 մլն բարելով, ինչը համապատասխանում է համաշխարհային պահանջարկի աճին։
Գների աճի ցանկացած նշան կարող է ոգեշնչել թերթաքարային գազի արտադրողներին, ինչը վերջնական արդյունքում կրկին կհանգեցնի գների անկման՝ նշել է նա։
Ներկայումս ՕՊԵԿ-ի արդյունահանման քվոտան կազմում է օրական 30 մլն բարել։