Ամերիկյան Yahoo! Inc. ընկերության, որն ունի աշխարհի ամենախոշոր որոնողական համակարգերից մեկը, մաքուր շահույթը2011 թ. առաջին եռամսյակում նվազել են 28%-ով, իսկ եկամուտը` 6%-ով: Այս մասին ասվում է ընկերության զեկույցում, որը հրապարակվել է նրա կայքում:
Հունվար-մարտ ամիսներին ընկերությունը վաստակել է 223 մլն դոլար կամ 17 ցենտ ամեն ակցիային: Անցած տարվա նույն ժամանակահատվածում այդ գումարը կազմել էր 310 մլն դոլար կամ 22 ցենտ ամեն ակցիայի համար: Ընդ որում, Yahoo!-ի եկամուտը 2011 թ. առաջին եռամսյակում կազմել է 1.064 մլրդ դոլար, ինչը 66 մլն-ով պակաս է անցած տարվա նույն ժամանակահատվածի համեմատ: