Շոգը բարձր ռիսկի գործոն է վարորդների համար: Ուկրաինացի մասնագետները նախազգուշացրել են շոգ եղանակի հետ կապված ռիսկերի մասին։ Այս մասին հայտնում է ultramir.net-ը։
Բարձր ջերմաստիճանային ռեժիմը ճանապարհատրանսպորտային պատահարների պատճառներից մեկն է։ Շատ մարդկանց մոտ, հատկապես մեծ տարիքի, ի հայտ են գալիս անտարբերություն, գլխապտուտ, նվազում են ուշադրության կենտրոնացվածությունը, արձագանքների արագությունը տարբեր ճանապարհային իրավիճակների հանդեպ։
Անհրաժեշտ է շոգ եղանակին մեծ զգուշավորություն դրսևորել, վերցնել մեծ քանակությամբ սառը ջուր, անհրաժեշտ դեղորայք, պետք է կրել ազատ հագուստ, խուսափել ճարպոտ կամ աղի սննդից։ Մեքենան անհրաժեշտ է կայանել ստվերի տակ, ընթացքից առաջ օդափոխել սրահը, երեխաներին և կենդանիներին մեքենայի փակ սրահում չթողնել նույնիսկ կարճ ժամանակով։
Շոգ եղանակին պետք է ուշադրություն դարձնել շարժիչի հովացման համակարգին, ինչպես նաև ավտոյուղի մակարդակին։
