Պակիստանում մահապատժի են ենթարկել Շաֆկրատ Հուսեյնին անչափահաս տարիքում սպանություն կատարելու համար: Այդ մասին հայտնում է The Guardian-ը:
Մահապատիժը կախելու միջոցով ի կատար են ածել Կարաչի քաղաքի բանտում: Տարբեր տվյալներով՝ մահապատժի ենթարկվածը եղել է 25-28 տարեկան:
Պարբերականի տեղեկատվությամբ՝ Sindh Human Rights Commission իրավապահ կազմակերպությունը խնդրել է Պակիստանի գերագույն դատարանին վերանայել որոշումը և հաշվի առնել, որ մեղադրյալը հանցագործություն կատարելու պահին եղել է անչափահաս:
2004 թվականին Հուսեյնին մեղադրվել է յոթամյա տղայի առևանգման և սպանության մեջ:
Եվրամիության, ՄԱԿ-ի, ինչպես նաև իրավապաշտպան կազմակերպությունների կոչով այս տարվա մարտին Պակիստանի իշխանությունները ամբողջությամբ չեղյալ հայտարարեցին մահապատիժը: Սակայն երկրի ղեկավարությունը այն կրկին վերադարձրեց «Թեհրիկ-ի Թալիբան Պակիստան» խմբավորման կողմից ռազմական վարժարանի վրա հարձակումից հետո: Այն ժամանակ զոհվել էին ավելի քան 140 մարդ, որոնց մեծ մասը եղել են կուրսանտներ:
Ներկա պահին Պակիստանում ավելի քան 8 հազար մարդ սպասում են մահապատժի իրականացմանը: Երկրում անչափահասներին մահապատժի են ենթարկում միայն բացառիկ դեպքերում:
