Korrespondent.net-ի փոխանցմամբ՝ ամերիկյան Hennessey ընկերությունը վաճառքի է հանել Venom GT սուպերքարի օրինակը, այն գրանցվել է Գինեսի ռեկորդների գրքում: 2013 թվականին ավտոմեքենան համաշխարհային ռեկորդ է սահմանել` զարգացնելով մինչև 300 կմ/ժամ արագություն 13.63 վայրկյանում:
Hennessey Venom GT-ն կառուցված է մոդիֆիկացված Lotus Elise շասիով, սարքավորված է 7.0 լիտրանոց կրկնակի տուրբո «ութնյակով»՝ 1244 ձիաուժ հզորությամբ: Ընդամենը թողարկվել է 29 օրինակ, որոնց գինը սկսվում է 1.2 միլիոն դոլարից: Առայժմ սուպերքար-ռեկորդակրի գինը գաղտնի է պահվում: Hennessey-ն հաղորդել է, որ այն կհայտարարվի միայն «ամենալուրջ գնորդների դեպքում»:
Նշենք, որ Hennessey Performance Engineering համարվում է ամերիկյան թյունինգային ընկերություն: