Սայմոն Ֆրեյզերի համալսարանի հետազոտողները հարցում են կատարել Վանկուվերում՝ 135 ավագ դասարանցիների շրջանում, հայտնում է Meddaily-ն: Նրանք ցանկացել են պարզել՝ ինչ առանձնահատկություններ ունեն նրանք, ովքեր ծաղրում են իրենց հասակակիցներին: Գիտնականների եզրակացությունները մեծապես տարբերվում են տվյալ թեմայով նախորդ հետազոտությունների եզրակացություններից:
Մասնակիցները հատուկ հարցաթերթիկ են լրացրել: վերլուծելով արդյունքները՝ գիտնականները դպրոցականներին բաժանել են 4 խմբի (իրավախախտներ, դիտորդներ, զոհեր և զոհեր-իրավախախտներ): Հետազոտությունը ցույց է տվել, որ նեղացնողների ինքնագնահատականը և սոցիալական կարգավիճակն ավելի բարձր են եղել, քան մյուս մասնակիցներինը: Բացի դրանից՝ նրանց դեպքում ընկճախտի մակարդակն ամենացածրն է եղել:
Հետազոտողների խոսքով՝ խուլիգանությունը գեների մեջ է: Այդ պատճառով տարբեր ծրագրերը, որոնք ուղղված են այդպիսի մարդկանց վարքի փոփոխությանը, չեն գործում: Գիտնականները հավելում են՝ խուլիգաններին պատժելը երբեմն պարզապես իմաստ չունի: Ըստ ամենայնի, ագրեսորի հանդեպ պետք է ուրիշ մոտեցում փնտրել:
