Այսօր՝ օգոստոսի 4-ին, Գյումրիի առաջին ատյանի ընդհանուր իրավասության դատարանում տեղի ունեցավ 2014 թվականի նոյեմբերի 10-ին Գյումրի-Երևան ավտոճանապարհի Հոռոմի խաչմերուկին տեղի ունեցած և 7 մարդու կյանք խլած ողբերգական ավտովթարի գործով դատաքննության հերթական դատական նիստը:
Հիշեցնենք, որ անցյալ դատալսումների ընթացքում դատարանն ավարտել էր դատաքննության բոլոր փուլերն, ու այսօր տեղի էին ունենալու պետմեղադրողի ու պաշտպանի դատական ամփոփիչ ճառերն ու դատական վիճաբանությունները, ինչպես նաև վերջին խոսքի իրավունք էր տրվելու մեղադրյալ Մանվել Վարդանյանին: Սակայն մեղադրյալ Մանվել Վարդանյանի պաշտպան, փաստաբան Լիանա Բալյանի բացակայության պատճառով դատավոր Աշոտ Մանուկյանը որոշեց դատալսման վճռական փուլը հետաձգել մինչև օգոստոսի 5 ժամը 12.00-ը:
