143 իրավաբան այսօր փաստաբանական դպրոցում հանձնում էր աշնանային հոսքի ընդունելության քննություն: Մեկ տարի փաստաբանական դպրոցում ուսանելուց հետո նրանք կստանան փաստաբանական արտոնագիր և կկարողանան փաստաբանական գործունեություն իրականացնել:
Այսօրվա դիմորդներից 21-ը քրեական ուղղվածությունն էր ընտրել, 80 դիմորդ՝ քաղաքացիաիրավականը:
Նշենք, որ բացի ընդհանուր դիմորդներից՝ փաստաբանական դպրոց ընդունվելու համար դիմել է ևս 17 հատուկ դիմորդ: Նրանք նախկին դատավորներ են, դատախազներ, ովքեր ցանկանում են հաջորդիվ փաստաբանական գործունեություն ծավալել: Հատուկ դիմորդները ընդունելության ընդհանուր քննությանը չեն մասնակցում, քանի որ ըստ կարգի՝ եթե անձը ունի 10 տարվա աշխատանքային փորձ այդ ոլորտում, ուրեմն ազատվում է քննությունից, սակայն բոլոր դիմորդների պես հանձնում է ավարտական քննությունները:
Ի դեպ, փաստաբանական դպրոցի տնօրենը նշեց, որ եղել են դեպքեր, երբ հատուկ դիմորդներից 1-2-ը չեն հարողացել հանձնել քննությունը և զրկվել են արտոնագրից: Այսինքն՝ 10 տարվա աշխատանքային փորձ ունեցող դատավորը կամ դատախազը չի կարողացել հանձնել անհրաժեշտ քննությունը:
Փաստաբանական դպրոցում քննությունը տևում է 3 ժամ, և դիմորդը այդ ընթացքում էլեկտրոնային եղանակով պետք է պատասխանի 2500 հարցի:
Փաստաբանական դպրոցում ուսման վարձը 500 հազար դրամ է:
Առավել մանրամասն՝ տեսանյութում:
