Կալիֆոռնիայի իշխանությունները նահանգի տարածքում մոլեգնող անտառային հրդեհների պատճառով տեղի հազարավոր բնակիչների խորհուրդ են տվել լքել իրենց տները: Այս մասին հայտնում է BBC-ի ռուսական ծառայությունը:
Այդ խորհրդի պատճառը Սան Ֆրանցիսկոյից հյուսիս խոշորագույն անտառային հրդեհներից մեկի անսպասելի արագ տարածումն է:
Նահանգի իշխանությունները կարծում են, որ հրդեհից և դրա հետևանքներից կարող է տուժել մինչև 13 000 մարդ: Նրանցից ոմանք արդեն հարկադրաբար տարհանվել են, մյուսներին խորհուրդ է տրվում ինքնուրույն լքել տները:
Այս ամառը Կալիֆոռնիայում ամենաչորայինն է վերջին տարիներին: Այդ ֆոնին նահանգում բռնկվել են լայնածավալ անտառային հրդեհներ:
