Apple-ը և Google-ն աշխատում են տեխնոլոգիայի վրա, որը սմարթֆոններին հնարավորություն կտա օգտատերերին տեղեկություն տրամադրել՝ մինչ նրանք այն կորոնեն: The Wall Street Journal-ի հաղորդմամբ՝ այդպիսի գործառույթները կարող են կորպորացիաների սարքերում ներդրվել այս տարվա սեպտեմբերին:
Պարբերականը նշում է, որ տեխնոլոգիայի մշակման ընթացքում ընկերությունները տարբեր մեթոդներ են կիրառում: Apple-ի շարժական օգնականը, որը պետք է լինի կորպորացիայի սարքերի համար ծրագրային ապահովման 9-րդ տարբերակում, տվյալներ կառաջարկի՝ ելնելով iPhone-ում պահվող տեղեկությունից: Իսկ Google-ը ծրագրում է օգտագործել առցանց-ծառայությունների տվյալները:
Apple-ը ծրագրում է հիշել օգտատերերի սովորությունները, օրինակ՝ եթե սմարթֆոնի տերը պարբերաբար երաժշտություն է լսում առավոտյան մարզումների ժամանակ, iPhone-ն ավտոմատ կերպով կմիացնի համապատասխան փլեյլիստը, երբ առավոտյան օգտատերը սարքին ականջակալ միացնի:
