ՀՀ ՏԿԱԻ նախարար Արմեն Երիցյանի և նախարարության աշխատողների արհմիութենական կազմակերպության նախաձեռնությամբ, օգոստոսի 4-14-ը նախարարության բոլոր ստորաբաժանումների, ինչպես նաև մարզային փրկարարական վարչությունների աշխատակիցների երեխաներն իրենց ամառային հանգիստը կացնկացնեն Լոռու մարզի «Գուգարք» ճամբարում: ՀՀ տարածքային կառավարման եւ արտակարգ իրավիճակների նախարարությունից հայտնում են, որ 10-15 տարեկան 132 երեխայի հնարավորություն է ընձեռված ամառային արձակուրդը վայելել լոռվա հրաշալի բնության գրկում: Ճամբարի օրակարգի համաձայն, երեխաների բուռն և հագեցած օրերը կզուգակցվեն արշավներով, տարբեր ճամբարականների հետ հանդիպումներով և ՏԿԱԻՆ Լոռու մարզի փրկարարական վարչության աշխատակիցների կողմից կազմակերպված ուսումնավարժանքներին մասնակցությամբ:
Արեմն Երիցյանի հանձնարարականով, երեխաների հետ «Գուգարք» կմեկնի նաև նախարարության արհմիութենական կազմակերպության նախագահ Լյուդմիլա Մելիքյանը:
«ՏԿԱԻՆ մանկական ճամբար» ծրագիրն արդեն երկրորդ տարին է իրականացվում: Կազմակերպիչների հավաստմամբ՝ ճամբարը շարունակական բնույթ կստանա, իսկ մյուս տարվանից կանցկացվի արդեն ՏԿԱԻ նախարարության սեփական ճամբարում:
