Սաուդյան Արաբիայի թագավոր Սալման բեն Աբդել Ազիզ Ալ Սաուդը կշարունակի մնալ Մարոկկոյի Տանժեր քաղաքում և այլևս չի վերադառնա Ֆրանսիա, տեղեկացրել է Ալ Վասատ թերթը՝ հղում կատարելով պաշտոնական սաուդյան աղբյուրներին:
Սաուդյան միապետը կիրակի օրը լքել է Ֆրանսիայի Ռիվերայի իր ամառանոցը և ժամանել է Մարոկկոյի նավահանգստային Տանժեր քաղաքը՝ Ֆրանսիայում մնալով ընդամենը 8 օր, նախատեսված 3 շաբաթվա փոխարեն: Նա լքել է Կապույտ լողափը Վալորիս քաղաքում հասարակական լողափի փակման հետ կապված աղմուկի պատճառով:
Ավելի վաղ հայտարարվել էր, որ Վալորիսի բնակիչները վրդովված են Սաուդյան թագավորական ընտանիքի հանգստի համար լողափի փակման պատճառով: Հասարակական այդ տեղանքի «մասնավորեցման» դեմ ստորագրահավաքը 150 հազար ստորագրություն է հավաքել:
