«Նախկինում միջնադարյան Եվրոպայում Վենետիկը հայտնի էր որպես վենետիկյան պոռնիկ, որտեղից դուրս էին գալիս Եվրոպան քայքայող բոլոր օրենքները: Այսօր այդ նույն պրոցեսն է մեր երկրում, երբ փորձ է արվում օրենսդրական գործունեությամբ ոչնչացնել Հայաստանը»,- «Առաջին լրատվական»-ի հետ զրույցում ասաց «Ղարաբաղ» կոմիտեի անդամ Աշոտ Մանուչարյանը՝ անդրադառնալով սահմանադրական բարեփոխումների գործընթացին:
«Սահմանադրական բարեփոխումների այս գործընթացը վերջին քայքայիչ գործընթացն է ընդդեմ մեր երկրի: Այս վերջին 10 տարվա ընթացքում ինչ քայքայիչ օրենք ցանկացել են անցկացնել սեփականության և այլնի վերաբերյալ, և որին մենք այս տարիներին դիմադրել ենք, հիմա այս նույն օրենքները հավաքած՝ դարձրել են Սահմանադրություն և ուղարկել են մեզ, որ ամբողջությամբ ավիրեն մեր երկիրը»,- հավելեց Մանուչարյանը:
Մեր զրուցակցի խոսքով՝ սահմանադրական բարեփոխումների այս քայքայիչ գործընթացը մի դրական կողմ ունի, որ մոբիլիզացնելու է ժողովրդին, ոտքի է կանգնեցնելու ժողովրդին, որը իր կանոններով դիմակայություն է ցույց տալու: «Պետք է շնորհակալություն հայտնել այս գործընթացի նախաձեռնողներին, քանի որ այն ժողովրդին ուշքի կբերի, ժողովուրդը կամբողջականանա և դեմ կկանգնի այս պրոցեսին: Ես դրան հավատում եմ, որ կոնսոլիդացիա կլինի այս հարցի շուրջ»,- նկատեց Մանուչարյանը:
Ինչ վերաբերում է Վենետիկի հանձնաժողովի վերջին դիտարկումներին խորհրդարանական ընտրությունների կազմակերպման գործընթացի վերաբերյալ, ապա Մանուչարյանն ավելի հեգնանքով պատասխանեց. «Ես էլ լսել եմ, որ Լոնդոնի համար 2 պոռնկատունը նույնպես եզրակացություն է ուղարկել Հայաստանի Սահմանադրության վերաբերյալ, թե պոռնկությունը ինչ զարգացում կունենա Հայաստանի Հանրապետությունում: Վենետիկի հանձնաժողովն այն խմբակն է, որին վերջին 50 տարում ամեն օր ասում են, որ ձեր անգլիական և հայկական տեքստերի մեջ տարբերություն կա, բայց անարձագանք»,- ասաց Մանուչարյանը:
Մանուչարյանի հետ զրույցն առավել մանրամասն՝ տեսանյութում:
