Հունաստանը դեռ չի կարողանում միջազգային վարկատուների հետ պայմանավորվել կենսաթոշակային համակարգի փոփոխությունների վերաբերյալ:
Այդ մասին հաղորդել է Skai հեռուստաալիքը՝ մեկնաբանելով աշխատանքի և սոցապահովագրության նախարար Յորգոս Կատրունգալոսի հանդիպումը չորս հաստատությունների` Եվրամիության, Եվրոպական կենտրոնական բանկի, Եվրոպական կայունության մեխանիզմի և Արժույթի միջազգային հիմնադրամի ղեկավարների հետ:
Ըստ հեռուստաալիքի տվյալների՝ դեռևս բաց է մնում վաղաժամ թոշակի անցնելու թեման, որը վարկատուները ցանկանում են ընդհանրապես վերացնել: Տարաձայնություններ կան նաև թոշակի անցման տարիքի վերաբերյալ:
Հունաստանի Աշխատանքի նախարարությունը ուզում է, որ թոշակի անցման տարիքը ավելացվի աստիճանաբար` տարեկան 6 ամսով, իսկ վարկատուները պնդում են ավելի արագ տեմպերի մասին, ինչը նշանակում է այդ տարիքի անհապաղ փոփոխություն` միանգամից ավելացնելով 8-10 տարի:
Աթենքի ներկայիս բանակցություններից է կախված այն բանը, թե հունական կառավարությունը կհասցնի արդյոք մինչև օգոստոսի 20-ը կնքել համաձայնություններ երրորդ վարկայն ծրագրի վերաբերյալ:
