Հրազդանի կիրճում՝ «Չռիկ» կոչվող տարածքում, ամռան օրերին կարելի է հանդիպել քեֆ անող, լողացող բազմաթիվ քաղաքացիների:
«Առաջին լրատվական»-ի հետ զրույցում այս տարածքում «հանգստացողները» ասացին, որ, նախ, ամռան տապից են պաշտպանվում, ապա՝ այստեղ գալիս են նաև մարզվելու, նարդի, շախմատ խաղալու:
Որոշներին մտահոգում էր այն, որ շատերը քեֆ անելուց հետո աղբը թողնում են ու հեռանում: «Հիմնականում քաղաքացիներին են մաքրում, բայց վաղ առավոտյան տեսնում ենք, որ կրկին աղբ կա, աղբը նաև ջուրն են լցնում: Լավ կլիներ, որ տարածքն ավելի բարեկարգ լիներ»,- նշեցին «Չռիկի» մշտական այցելուները:
Նրանք վստահեցրին, որ տարածքում քիչ թե շատ բարեկարգում իրենք են արել: «Այս հատվածի «լողավազանը» մենք կառուցել ենք մի քանի հոգով: Իհարկե, շինանյութը բերել են առավոտվա հանգստացողները, որոնց մենք օլիգարխ ենք անվանում: Հիմա հանգստանում են երեխաները, հիմա կանայք էլ են գալիս: Հորդորում ենք՝ մյուսներն էլ գան: Հիմա եթե Երևան քաղաքում 40 աստիճան է, այստեղ ավելի քիչ է»,- նշեցինք նրանք:
Մեր նկարահանման ժամանակ «Չռիկում» նաև ծննդյան փոքրիկ խնջույք էր:
Մանրամասները՝ տեսանյութում: