Ֆրանսիական Կալե նավահանգստում հազարավոր միգրանտների մասին խոսելիս Մեծ Բրիտանիայի վարչապետ Դևիդ Քեմերոնն օգտագործել է «պարս» բառը: Ձևակերպումը թեժ վեճեր է առաջացրել Միացյալ Թագավորության քաղաքացիների շրջանում, հայտնում է russian.rt.com-ը:
Twitter-ի օգտատերերից մեկն իր էջում գրել է, որ ինքը որպես բրրտանուհի ամաչում է կառավարության ղեկավարի արտահայտության համար, իսկ ոմանք էլ ասել են, որ «պարս» բառի մեջ վիրավորական ոչինչ չկա:
Սակայն, Մեծ Բրիտանիայում ամենամեծ ազգայնական խմբի էջում, որը պատկանում է «Բրիտանիան ամենից առաջ» կուսակցությանը, արձագանքն ավելի կտրուկ է եղել: Որպես միգրացիան ճգնաժամի հարթման ուղիներից մեկն այնտեղ առաջարկվել է քանդել Լա Մանշի տակ կառուցված թունելը, իսկ օրինախախտներին կրակել:
Սպասվում է, որ այդ վեճը դուրս կգա ինտերնետ-տիրույթի տարածքից՝ միգրանտներին ընդունելու կողմնակիցներն ու ընդդիմադիրները ծրագրում են հավաքվել Լա Մանշի տակ կառուցված թունելի մոտ:
Թեև միգրացիոն քաղաքականության վերաբերյալ քննարկմանը մասնակցողների հայացքները բաժանված են՝ նրանք մի բանում համամիտ են՝ վրդովված են բրիտանական կառավարության՝ ճգնաժամը կարգավորելու անընդունակությունից: