ԱՄՆ-ի Կալիֆոռնիա նահանգում ջրի դեֆիցիտի դեմ պայքարն այժմ սոցիալական ցանցեր է տեղափոխվել, գրում է Daily Mail-ը:
Ջրի ռացիոնալ օգտագործմանը հետևում են ինչպես պարեկային մեքենաները, այնպես էլ հարևանները: Ուստի, ծաղիկները ջրելու և ավտոմեքենաները լվանալու սիրահարները պետք է դա անեն կողմնակի աչքերից հեռու:
Բնակիչները տարբեր կայքեր են գործածում, որտեղ տեղադրում են հարևանի լուսանկարը, եթե վերջինիս նկատում են ջուրը վերոնշյալ կերպ օգտագործելիս՝ #droughtshaming և #watershaming հեշթեգներով: Բացի այդ, մշակվել է նաև հատուկ DroughtShame հավելված Կալիֆոռնիայում ջրի սահմանափակումներն անտեսելու ապացույցները հրապարակելու համար: