Միլիարդատեր Դոնադլ Թրամփը և ԱՄՆ նախկին պետքարտուղար Հիլարի Քլինթոնը հասարակական հարցումներում առաջատարներ են՝ որպես 2016-ին կայանալիք ԱՄՆ ընտրություններում նախագահի թեկնածու: Այս մասին հաղորդում է The Washington Post-ը:
Ըստ հարցման՝ Թրամփը կարող է ստանալ 30.8 տոկոս հանրապետական ընտրողների աջակցությունը: Ֆլորիդայի նախկին նահանգապետ Ջեբ Բուշը 13.3 տոկոսով երկրորդ տեղում է: 12.5 տոկոսով երրորդ տեղում Վիսկոնսինի նախկին նահանգապետ Սքոթ Ուոքերն է:
Դեմոկրատների շրջանում առաջատար է Հիլարի Քլինթոնը՝ ձայների 54.9 տոկոսով: Նրա մրցակիցն է սենատոր Բերնի Սանդերսը՝ 18.4 տոկոսով: Մասաչուսեթս նահանգից սենատոր Էլիզաբեթ Ուորենը ունի ձայների 9 տոկոսը:
Նշվում է, որ հանրապետականներից ընտրողների համար առավել գրավիչ է Դոնալդ Թրամփը, իսկ դեմոկրատներից՝ Հիլարի Քլինթոնը: