Թե ինչի են ընդունակ դավաճանված կանայք, հայ հանդիսատեսը կիմանա շուտով` դիտելով հայկական նոր ժամանցային կատակերգությունը: Ֆիլմը մի երիտասարդ կնամոլի մասին է, ով միաժամանակ սիրաբանում է տարբեր կանանց հետ: Հերոսի հեքիաթային կյանքն ավարտվում է այն ժամանակ, երբ պատահաբար նրանցից երեքը հայտնվում են նույն ժամին նույն տեղում… Հենց այստեղ էլ սկսվում է դավաճանված կանանց դաժան հաշվեհարդարը:
«Փոքրիկ Զորավարը» ֆիլմի ստեղծագործական կազմը ներկայացնում է «Զգուշացեք` կանայք են» վերնագրով նոր կատակերգությունը, որի ռեժիսորը Հենրի Քոչարյանն է: Սցենարը գրված է Անդրեյ Կուրեյչիկի համանուն պիեսի մոտիվներով:
«Պիեսը գրեթե 80 տոկոսով փոփոխված է, ավելացել են նոր կերպարներ և սյուժետային հետաքրքիր զարգացումներ … »,-պարզաբանում է ռեժիսորը: Խաբված ու հետո մի լավ կատաղած կանանց մարմնավորում են Մերի Մակարյանը, Մարինկա Խաչատրյանը, Անաիս Սարդարյանը, Հասմիկ Վերդյանը, Ջուլիետե Ստեփանյանը և այլք: Իսկ կնամոլի դերում Հենրի Քոչարյանն է: 14+ հանդիսատեսի համար նախատեսված ֆիլմի նկարահանումները գրեթե ավարտվել են և շուտով հայ հանդիսատեսը լիաթոք ծիծաղելու ևս մի առիթ կունենա:
Ժ. Ք.