Gazeta.ru-ի փոխանցմամբ` Ուկրաինայի նախագահ Պյոտր Պորոշենկոն հայտարարել է, որ Ուկրաինայի իշխանությունները պատրաստվում են մշակել «ճանապարհային քարտեզ»` Ուկրաինայի կազմում Ղրիմին ազգային տարածքային ինքնավարության կարգավիճակ տալու համար:
Այդ մասին նշված է Ղրիմի թաթարների Համաշխարհային երկրորդ կոնգրեսի մասնակիցներին հասցեագրված Պորոշենկոյի ուղերձում: «Մենք ստեղծել ենք պետական հիմնարկներ, որոնք զբաղվում են Ղրիմի նկատմամբ պետական քաղաքականություն իրականացնելով: Մեր պլանների մեջ է մտնում «ճանապարհային քարտեզի» մշակումը` Ղրիմին ուկրաինական պետության կազմում ազգային-տարածքային ինքնավարության կարգավիճակ տրամադրելու համար»,- ասված է ուղերձում: