Օգոստոսի 1-ից էլեկտրաէներգիայի սակագինը բարձրացավ 6.93 դրամով: Հասարակության մեծ մասի կարծիքով՝ թանկացումը կհանգեցնի մի շարք խնդիրների՝ անկախ նրանից, թե հասարակությունը որ փուլում կվճարի 6.93 դրամ ավելի:
«Միևնույն է՝ ինչ միջոցներով էլ սուբսիդավորեն, վերջում հասարակության գրպանից են հանելու, կառավարությունն ինչ անում է՝ վերջում ստացվում է թալան»,- «Առաջին լրատվական»-ի հարցախույզի ընթացքում նշեցին մի շարք երևանցիներ՝ անդրադառնալով էլեկտրաէներգիայի թանկացմանը: Նրանց դիտարկմամբ՝ ցանկացած լուծում կլինի ժամանակավոր: «Վերջում Հայաստանը մնալու է առանց հայերի՝ միայն իրենցով , տեսնենք՝ ինչ են անելու»,- ընդգծեցին հարցախույզի մասնակիցները:
«Տեսեք՝ այսօրվանից շղթայական թանկացումներ են լինելու, թանկացումների պատճառով առանց այն էլ հիասթափություն կա, հասարակությունը շատ հիասթափված է, հարուստները, իշխանավորները մտածում են միայն իրենց գրպանները լցնելու մասին, իրենց հաշվիչները՝ գազի, լույսի, չեն պտտվում, արխային ինչ ուզում՝ անում են»,- նշեցին նրանք:
Հիշեցնենք, որ Հովիկ Աբրահամյանը այսօր հայտարարել է, որ սակագնի բարձրացումը կփոխհատուցվի Որոտանի համալիրի վաճառքի գումարից:
Մանրամասները՝ տեսանյութում:
