Թուրքական Dünya Bülteni լրատվական կենտրոնի փոխանցմամբ` Թուրքիայի ռազմաօդային ուժերի ավիահարվածների ժամանակ վնասազերծվել է «Քրդստանի աշխատավորական» կուսակցության (PKK) ավելի քան 260 զինյալ:
Ընդգծվում է, որ 80 մարտական ինքնաթիռ Թուրքիայի ներսում ու նրա սահմաններից դուրս հարվածել է PKK-ի ավելի քան 100 թիրախի: Երեկվա ավիահարձակմանը մասնակցել է 28 հատ F-16 տիպի կործանիչ, որոնք ոչնչացրել են ավելի քան 65 թիրախ:
Խոսքը PKK-ի թաքստոցների, ճամբարների, ստորգետնյա պահեստների, զինապահեստների, քարանձավների, բունկերների մասին է: PKK-ի դեմ ավիահարձակումները շարունակվելու են:
Լրատվամիջոցի պնդմամբ` ավիահարձակումների ժամանակ վիրավորվել է նաև քրդամետ «Ժողովուրդների դեմոկրատական» կուսակցության (ԺԴԿ) համանախագահ Սելահաթթին Դեմիրթաշի եղբայր Նուրեթթին Դեմիրթաշը: