Լատինամերիկյան խորհրդարանը հուլիսի 31-ին Հայոց ցեղասպանության ճանաչման մասին բանաձեւ է ընդունել։
Հայոց ցեղասպանության ճանաչման բանաձեւը միաձայն հավանություն է ստացել, միայն մեկ պատգամավոր ձեռնպահ է մնացել քվեարկությունից, հայտնում է Prensa Armenia-ն։
«Հայոց ցեղասպանության մասին բանաձևն ընդունվել է միաձայն, դեմ է արտահայտվել միայն մեկը։ Ուրուգվայնն առաջինն էր, որ 50 տարի առաջ ճանաչեց Հայոց ցեղասպանությունը և այժմ էլ աջակցում է այդ դիրքորոշմանը»,- որոշման ճանաչումից հետո գրել է Մոնտեվիդեոյի պատգամավոր Ալֆրեդո Աստին։
Parlatino-ի կազմում ներառված են 23 երկրի ու տարածքի՝ Արգենտինայի, Արուբա կղզու, Բոլիվիայի, Բրազիլիայի, Վենեսուելայի, Գվատեմալայի, Հոնդուրասի, Դոմինիկյան Հանրապետության, Կոլումբիայի, Կոստա-Ռիկայի, Կուբայի, Կյուրասաո կղզու, Մեքսիկայի, Նիկարագուայի, Պանամայի, Պարագվայի, Պերուի, Սալվադորի, Սան Մարտին կղզու, Սուրինամի, Ուրուգվայի, Չիլիի և Էկվադորի խորհրդարանները։
