Vesti.ru-ի փոխանցմամբ` գերմանացի քաղաքական գործիչները գլխավոր դատախազին կոչ են արել հրաժարական տալ` կապված Netzpolitik պարբերականի լրագրողների շուրջ բռնկված սկանդալի հետ:
Նրանց մեղադրել են պետական գաղտնիք հրապարակելու համար, ինչը տեղի է ունեցել այն բանից հետո, երբ նրանք հրապարակել են Գերմանիայի հատուկ ծառայությունների կողմից սոցցանցերի օգտատերերին գաղտնալսելու մասին տվյալներ:
Այժմ Գերմանիայում կարծում են, որ իշխանությունները փորձում են ահաբեկել ԶԼՄ-ներին և նրանց զրկել խոսքի ազատությունից: Ձախ ու Ազատ Դեմոկրատական կուսակցությունների առաջնորդները պահանջում են պաշտոնանկ անել նրանց, ովքեր նախաձեռնել են հետաքննություն: Հետաքննությունը մեկնարկել է հոդվածների հրապարակումից կես տարի անց: