«Առավոտ» թերթը գրում է. «Գայթակղվելով Դիլիջանի «Վիլլա Ռեսթ» հանգստյան տան պաշտոնական լուսանկարներով նոր լողազգեստներ էինք գնել: Լողավազանն իրականում տեսնելով՝ պարզ դարձավ, որ լողալու մասին մոռանում ենք: Ընդ որում, հանգստյան տուն մտնելուն պես մեզ աչքալուսանք էին տվել, որ լողավազանը հենց այսօր է լցվել:
Մանկական խաղահրապարակում էլ, ըստ գովազդների, պետք է լիներ ավազե դաշտ, ուստի պատրաստված՝ մանկական բահերով ու փոցխերով, գնացել էինք: Պարզվեց, խոտածածկ տարածք է, պետք է նախ տարածքում «քաղհան» անեինք, որ ավազին հասնեինք: Պարզ է, որ գնացել հասել ես՝ զուտ լողավազանի կամ ավազե դաշտի համար հանգիստդ չես փչացնի: Բայց եթե չունես լողավազան, ի՞նչ իմաստ ունի գլուխ գովել, երբ իրականությունն ի վերջո բացահայտվելու է» ։
Մանրամասները՝ թերթի այսօրվա համարում։
