Իտալական Corriere della Sera թերթի տեղեկություններով, Պիետրոն մահացել է սրտի կաթվածից:
Մենք տեղեկացրել էինք, որ երեկ մահացել է շոկոլադային հսկա Ferrero ընկերության հիմնադիր Միկելե Ֆերերոյի երկու որդիներից մեկը` 48-ամյա Պիետրո Ֆերերոն: Դա տեղի էր ունեցել Հարավային Աֆրիկայում, ուր նա ժամանել էր՝ մասնակցելու գործարար հավաքի: Ըստ ականատեսների՝ հանդիպումից հետո Քեյփ Թաունի մերձակայքում նա հեծանիվ վարելիս է եղել, երբ հանկարծ վայր է ընկել:
Հիշեցնենք նաև, որ Ֆերերո ընկերությանն են պատկանում այնպիսի ապրանքանիշներ, ինչպիսիք են Nutella-ն, Kinder Surprise-ը, Kinder Chocolate-ը, Raffaello-ն, Ferrero Rocher-ը և Tic Tac-ը: