Սպանության համար մեղադրվող 5 բանտարկյալներ մահապատժի են ենթարկվել Պակիստանում՝ հայտնում է տեղի DAWN պարբերականը։
Դատավճիռներն իրականացվել են Փենջաբ նահանգի երկու բանտերում։ 5-ից 2-ը մեղադրվում են ուսանողի սպանության համար այն բանից հետո, երբ նրա համար փրկագին չեն ստացել։ Եվս մեկը մեղարդրվել է կնոջ և նրա 5 երեխաների սպանության համար։ Մյուս երկուսի մասին տեղեկություններ չկան։
Ռամադանի ընթացքում Պակիստանի իշխանությունները մահապատիժները դադարեցրել էին։ Ռամադանից հետո երկրում արդեն մահապատժի է ենթարկվել 15 մարդ։
Երկրում մահաատժի մորատորիումը լիովին հանվել է մարտի 10-ին։ ԶԼՄ-ների տվյալներով՝ երկրի բանտերում գտնվում են մահվան դատապարտված ավելի քան 8000 բանտարկյալներ։ Մորատորիումի չեղարկումից հետո Պակիստանում մահապատժի է ենթարկվել ավելի քան 100 բանտարկյալ։