Ռուսական TASS լրատվական գործակալության փոխանցմամբ՝ Ռուսաստանի էներգետիկայի նախարար Ալեքսանդր Նովակը լրագրողների հետ զրույցում հայտարարել է, որ Ռուսաստանի ու Թուրքիայի միջև բանակցությունների դադարեցման վերաբերյալ պաշտոնական հայտարարություններ չեն արվել։
Նովակն այդպիսով հերքել է ԶԼՄ-ների տարածած այդ տեղեկությունը և հայտարարել է, որ կողմերը շարունակում են աշխատել «Թուրքական հոսք» գազատարի նախագծի իրագործման շուրջ։ Նախարարը հավելել է, որ ռուսական «Գազպրոմը» և թուրքական «Բոթաշ» պետական ընկերությունն արդեն իսկ պայմանավորվածության են եկել գազային զեղչի շուրջ՝ 10.25 տոկոս։
Սրանից առաջ հաղորդվել էր, որ Ռուսաստանը «Թուրքական հոսք» գազատարի առաջին ճյուղի նախագծի մասին իր առաջարկն ուղարկել է Թուրքիային և սպասում է նրա արձագանքին։