Ռուսական RIA Novosti լրատվական գործակալության փոխանցմամբ՝ բժիշկները խորհուրդ են տալիս ավելի շատ կանգնած մնալ՝ արյան մեջ շաքարի մակարդակը նվազեցնելու համար։ Մարդիկ, որոնք նախընտրում են կանգնել հասարակական տրանսպորտում և այլուր, միջին հաշվով ավելի քիչ են տառապում դիաբետից, խոլեստերինի ու ճարպի ավելցուկից, ինչպես նաև ճարպակալումից։
Դա պարզել են ամերիկացի գիտնականները, որոնց հետազոտության արդյունքները հրապարակվել են European Heart Journal հոդվածում։ Դրանում նշված է, որ օրական միջին հաշվով երկու ժամ կանգնած աշխատանքի գնացող ու վերադարձողները ավելի շատ էներգիա են ծախսում, քան նստակյաց կյանք վարողները։ Գիտնականների անցկացրած հետազոտությանը մասնակցել է գրեթե 800 մարդ։ Ընդհանուր առմամբ, օրական երկու ժամ կանգնած մնալը 2 տոկոսով նվազեցնում է արյան մեջ շաքարի մակարդակը և 11 տոկոսով՝ ճարպի մակարդակը։