Կառավարության դիմաց քաղաքացի Սաշա Վաղոյանը հանդիպում է պահանջում վարչապետ Հովիկ Աբրահամյանից, նախարարներից: Նա բղավում է , որ գլխավոր դատախազ Գևորգ Կոստանյանը կաշառակեր է, նրա միջոցով ՎՏԲ-Հայաստան բանկը չի վերադարձնում 1993-ին «Հայխնայբանկում» ներդրած իր ավանդը՝ 1 միլիոն 697 հազար ռուբլի: «ՎՏԲ-ն իրավահաջորդն է, բայց թալանում է: Գումարը յուրացրել են»: Ըսը նրա՝ գնացել են Կենտրոնական բանկ, ասել են՝ ավանդների ցուցակում իր և կնոջ անունը չկա, քրեական գործ է հարուցվել, բայց գլխավոր դատախազությունը կոծկում է:
Քաղաքացին մանրամասնեց, որ դատական բոլոր ատյաններով անցել է գործը, Վճռաբեկում էլ հայցը մերժվել է: «Ամեն քայլափոխի կաշառակերություն է. Հայաստանում մի բիզնես է ծաղկում՝ կաշառակերությունը»,- նշեց նա:
Սաշա Վաղոյանը նաև բղավում էր, որ վարչապետը, նախագահը, նախարարները ևս թալանչիներ են: «Սաղ գող-ավազակ են»,- ընդգծեց նա՝ ցույց տալով լուսանկարներ, որոնցում պատկերված է Քաջ Նազարը: «Սրանք Քաջ Նազարի բախտով են ընկել, թալանում են»,- եզրափակեց նա:
Մանրամասները՝ տեսանյութում: