Մի քանի տարվա համառ աշխատանքից հետո գանձեր որոնողներ Շմիտների ընտանիքը Ֆլորիդայի ափերի մոտ հայտնաբերել է իսպանական խորտակված նավի ոսկիները: Գանձի ընդհանուր արժեքը կազմում է մեկ միլիոն դոլար, հայտնում է nr2.com.ua-ը:
Այն գտել են Մայամիից 210 կմ հյուսիս ընկած տարածքում, որտեղ 1715 թվականին հզոր փոթորկի հետևանքով խորտակվել է իսպանական 11 նավ` բարձված ոսկով և թանկարժեք իրերով:
Ըստ ԱՄՆ-ի օրենքների՝ գանձի 20 տոկոսը պատկանում է պետությանը, իսկ մնացածը կիսում են գանձը գտնողները և գանձերի որոնման հետազոտությունների իրավունքը գնած ընկերությունը: