ԱՄՆ նախագահի թեկնածու միլիարդատեր հանրապետական Դոնալդ Թրամփը կարծում է, որ կկարողանար լավ հարաբերություններ հաստատել Ռուսաստանի նախագահ Վլադիմիր Պուտինի հետ: Այս մասին հաղորդում է CNN հեռուստաալիքը:
«Կարծում եմ` ես կկարողանայի շատ լավ հարաբերություններ ունենալ Վլադիմիր Պուտինի հետ: Ես այդպես եմ կարծում»,- հայտարարել է Թրամփը:
Թրամփը նաև քննադատել է ԱՄՆ գործող նախագահ Բարաք Օբամային և նախկին պետքարտուղար, ԱՄՆ նախագահի թեկնածու դեմոկրատ Հիլարի Քլինթոնին` վերջինիս անվանելով ԱՄՆ-ի պատմության մեջ ամենավատ պետքարտուղարը:
