ՄԱԿ-ի անվտանգության խորհրդի քվեարկությունում Ռուսաստանը արգելափակել է Ուկրաինայի Դոնեցկի շրջանում մալազիական «Բոինգի» կործանման կապակցությամբ միջազգային դատարան ստեղծելու բանաձևը, հայտնում է m.tvrain.ru-ն:
ՄԱԿ-ի անվտանգության խորհրդի 15 անդամներից 11-ը քվեարկել են բանաձևի ընդունման օգտին, իսկ 3-ը մնացել են ձեռնպահ:
Ավելի վաղ՝ հուլիսի 27-ին, ՄԱԿ-ում Ռուսաստանի մշտական ներկայացուցիչ Վիտալի Չուրկինը հայտարարել էր, որ Ռուսաստանը դեմ կքվեարկի այդ բանաձևի ընդունմանը, եթե փաստաթուղթը հավաքի ընդունման համար անհրաժեշտ 9 ձայն:
«Բոինգի» գործով դատարան ստեղծելու բանաձևը առաջարկել է Մալազիան ինքնաթիռի կործանման հետաքննիչ խմբի անունից: Բացի Մալազիայից, այդ խմբի մեջ մտնում է Ավստրալիան, Բելգիան, Նիդեռլանդները և Ուկրաինան:
