ԱՄՆ-ի ձկնային և վայրի բնության ծառայությունը խորը անհանգստություն է արտահայտել մի քանի օր առաջ Զիմբաբվեում հայտնի Սեսիլ առյուծի սպանության կապակցությամբ, որը դարձել է ամերիկացի որսորդի ավարը, հայտնում է RIA Novosti-ն:
Երկրի իշխանությունները հայտարարել են, որ առյուծին կրակել են անօրինականորեն և դատական գործ են հարուցել ԱՄՆ-ի քաղաքացի Ուոլթեր Պալմերի դեմ:
Համացանցում հայտնի Սեսիլ առյուծի լուսանկարները հաճախ օգտագործվում էին Զիմբաբվեում ճանապարհորդությունների գովազդային ընկերությունների կողմից: Առյուծի սպանությունը կհանգեցնի առյուծների մեծ ընտանիքի քայքայմանը, որը ղեկավարում էր Սեսիլը: 24 կորյունները, որոնց հայրը Սեսիլն էր, մեծ հավանականությամբ կսպանվեն այլ որձ առյուծների կողմից, որոնք կմարտնչեն Սեսիլի տեղը գրավելու համար:
Այն բանից հետո, երբ այդ նորությունը տարածվեց համացանցում, Մինեսոտա նահանգից ատամնաբույժ Պալմերը ներողություն խնդրեց կատարվածի համար՝ նշելով, որ որսորդությունը համարել է օրինական: ԱՄՆ-ում այն ենթարկվեց համընդհանուր դատապարտման, և Պալմերը նույնիսկ ստիպված փակել է իր ատամնաբուժարանը: