«Գիշերը հրապարակում ինչ-որ քաղաքացի բավականին թանկարժեք մեքենայով կանգառեց չթույլատրելի վայրում, զրույցի բռնվեց, սկսեց բարձր-բարձր հայհոյել: Ոստիկանները սկսեցին քաշքշել նստացույցի մասնակիցներին, իսկ հայհոյողին կարգի չհրավիրեցին, պարզապես կանգնած նայում էին»,- «Առաջին լրատվական»-ի հետ զրույցում ասաց «Ոտքի՛, Հայաստա՛ն» քաղաքացիական շարժման անդամ Արամ Թարվերդյանը:
Նա մանրամասնեց , որ ոստիկաններին հորդորել են նստացույցի մասնակիցներին քաշքշելու փոխարեն միջամտել և պատասխանատվության ենթարկել կարգազանց, հոյհոյող վարորդին, նույնիսկ տեսանկարահանել են, ֆիքսել մեքենայի համարնն ու տեղեկատվությունը փոխանցել ոստիկաններին, չնայած ոստիկաններն իրենց աչքով են տեսել կատարվածը:
Արամ Թարվերդյանն ասաց, որ նույնիսկ չեն ուզում նման վարքագծով քաղաքացիներին որևէ բան հորդորել: «Ոստիկանապետն է լավ հորդորում, մենք ի՞նչ հորդորենք: Մենք պարզապես քաղաքացիներին փորձում ենք իրազեկել, թե իրականում ինչ է կատարվում սուբսիդավորման, աուդիտի հետ կապված»,- նշեց նա:
Նստացույցի մեկ այլ մասնակից էլ՝ Փայլակ Թևանյանը, պատմեց, որ առավոտյան, երբ կանաչապատ հատվածում նստած են եղել, իրենց մի կին է մոտեցել, հորդորել հեռանալ այդտեղին, սպառնացել ջրել «շլանգով»:
Փայլակը նշեց, որ թե՛ նմանատիպ, թե՛ այլ գործողություններով չեն կարող կանխել իրենց գործողությունները. ի վերջո, նստելու են հրապարակի գորգի վրա:
Մանրամասները ՝ տեսանյութում: