Motorola ընկերությունը ներկայացրել է սմարթֆոնների թարմացված հավաքածուն, որում այժմ ներառված են Moto X-ի միանգամից երկու սմարթֆոններ՝ հաղորդում է GSMArena-ն:
Moto X-ի երկու տարբերակները ստացել են Style և Play անվանումները: Moto X Style-ը թոփ մակարդակի մոդել է, որն ունի 5.7 դյույմանոց դիսփլեյ: Սմարթֆոնը զինված է Qualcom Snapdragon 808 պրոցեսորով, 3 գ/բ օպերատիվ հիշողությամբ, 21 մեգապիքսել հզորությամբ տեսախցիկով: Այն արժե 399 ԱՄՆ դոլար:
Moto X Play-ը պակաս հզոր է՝ 5.5 դյույմանոց FullHD դիսփլեյ, Qualcom Snapdragon 615 պրոցեսոր և 21 մեգապիքսել հզորությամբ տեսախցիկ: Այն արժե 299 ԱՄՆ դոլար:
Միջին արժեքի Moto G սմարթֆոնն ունի 5 դյույմանոց դիսփլեյ, Qualcom Snapdragon 410 պրոցեսոր և 13 մեգապիքսել հզորությամբ տեսախցիկ: Այն արժե 180 դոլար՝ 8 գ/բ հիշողությամբ տարբերակի համար, և 220 դոլար՝ 16 գ/բ-ի համար: